Romslege, nye og godt utstyrte hytter

Fire høgstandard hytter er hovudtilbodet på campingplassen, som kan brukast like godt på vinteren som på sommaren. Sommaren 2002 vert alle hyttene også utstyrt med parabol-TV. I tillegg har vi «Bua», for dei som vil ha eit enklare alternativ.

Storhyttene har god plass og er godt utstyrt for 5-6 personar. Hyttene har kjøkenkrok, stove med sofagruppe og spisebord, to soverom med 2 og 3 sengeplassar, entré og bad med varmekablar, vask, toalett og dusj.

Kjøkenet er utstyrt med oppvaksmaskin, oppvaskkum med varmt og kaldt vatn, komfyr og kjøleskap m/fryseboks, kaffitrakter, samt dekketøy for seks personar. Det er også høve til å få vaska klede i vaskemaskin i fellesanlegget.

På verandaen framfor hytta kan du nyte den flotte utsikta over fjorden og fjella.

«Bua» er ei enkel og koseleg hytte med plass til 3-4 personar. Hytta ligg lunt og solvendt til ved den gamle vegen gjennom bygda.

«Bua» har kjøkenkrok med kokeplater, kjøleskap, og vask med kaldt vatn. Her er dekketøy for fire personar.

Gjestar på «Bua» får bruke dusj og toalett i fellesanlegget på campingplassen.